МЕНИ

Генералниот директор на Кралскиот Клуб, Хорке Валдано вели дека со ангажманот на Чаби Алонсо тие го завршуваат настапот на трансфер пазарот кога се во прашање нови аквизиции

По постигнувањето на договор со Ливерпул за трансфер на Чаби Алонсо, екипата на Реал Мадрид преку генералниот директор Хорке Валдано најави дека тие веќе прекинуваат со ангажман на нови играчи.

“Со овој ангажман, ние завршуваме со потрагата за нови играчи.” – рече Валдано.

“Стратегот Мануел Пелегрини ни кажа кои играчи се неопходни за засилување на тимот: дефанзивната линија и средниот ред и ние го сторивме тоа.”

“Среќни сме бидејќи го засиливме тимот на најдобриот начин. Чаби Алонсо беше многу важен дел од нашиот проект.”

“На клубот му беа потребни промени. Пристигнаа навистина добри фудбалери, го засиливме секој дел и фановите се возбудени.”

Валдано исто така навести дека Баерн Минхен одиграл ’многу цврсто’ околу ситуацијата на Рибери и се повлекуваат од можноста да го ангажираат Французинот.

“Баерн Минхен бараше многу. Тие не сакаа да го продадат играчот и ние одлучивме да се тргнеме на страна и да чекаме друга ситуација.“

“Сега продолжуваме со работата за продажба на оние играчи кои не ни се потребни.”

Реал во овој трансфер период потроши над 250 милиони евра за ангажман на осум играчи меѓу кои, Кристијано Роналдо, Кака, Карим Бензема, Раул Албиол, Алваро Арбелоа, Естебан Гранеро, Алваро Негредо и Чаби Алонсо..

Сега се очекува неколку играчи да заминат од Бернабе, а најчесто спомнувани се Холандските интернациналци, Рафаел ван дер Варт, Клас Јан Хунтелар, Ариан Робен и Весли Снајдер.