Бразилскиот интернационалец, Рикардо Кака вели дека ова лето го напуштил Милан поради финансиските проблеми со кои се соочувале Росоњерите

Кака по шест сезони поминати во Милан ова лето се пресели на Сантијаго Бернабе откако Реал и Милан постигнаа договор за трансфер вреден околу 65 милиони евра.

Бразилецот поради настапот на Купот на Конфедерации на својот нов тим му се приклучи во понеделникот и се очекува да го има своето деби за Кралевите на дуелот против Торонто.

“Како се чуствувам сега? Се чуствувам навистина добро. Сите мои соиграчи ме прифатија добро, исто како и целиот технички персонал што работи во клубот. Многу подобро отколку што очекував.” – рече Кака за AS.

“За прв пат се сретнав во неделата пред дуелот со Ал Итихад. Јас бев на стадионот и сите дојдоа да ми посакаат добредојде. Веќе се знам со некој од нив како што се Марсело, Кристијано Роналдо и Раул.”

Кака открива дека Реал се обидел да го ангажира додека тој настапувал во Бразил но тогаш Милан бил поуспешен во обидите и тој заминал на Сан Сиро.

“Реал исто така се обиде да ме ангажира кога јас бев во Сао Паоло, тогаш беше нивниот прв обид.”

“Но работите не се одвиваа според нивниот план и јас завршив во Милан.”

“Кога бев дел од Милан секогаш велев дека тие се одговорни за мојата иднина и ќе заминам само доколку тие прифатат некоја понуда.”

“Милан беше клуб кој секогаш сум го сакал и каде се чуствував добро. Во шестте години поминати таму имаше многу понуди и некои беа од Реал Мадрид.”

“Но Милан одлучи да ја отвори вратата за моето заминување дури оваа година. Најпрво со Манчестер Сити но потоа јас им реков дека сакам да одам во Реал Мадрид.”

“Тогаш Флорентино не сатапи во контакт со мене бидејќи не беше претседател. За мене целата ситуација беше изненадувачка бидејќи Милан за прв пат пројави интерес да ме продаде.”

“Берлускони ме осигура дека тоа е само поради финансиски причини. За мене беше многу емоцијонално кога гледав фанови пред мојата куќа како ме молат да не заминам.”

“Но јас знав дека веќе се е одлучено.”

“Кои се моите цели во првата година во Реал? Имам голема желба за освојување трофеи. Се надевам дека ќе триумфирам во Лигата на Шамионите. Финалето се игра на Бернабе и тоа е додатен мотив.”

“Исто така сакам да триумфирам и во Ла Лига.”

Powered by: 24 FUDBAL.com.mk