МЕНИ

Според италијанските медиуми, Мартин Касерес е пред трансфер во екипата на Јувентус откако е постигнат договор помеѓу двата клуба за позајмица на дефанзивецот

Според Sportmediaset и Tuttosport вчера во доцните вечерни часови е постигнат договор помеѓу Барселона и Јувентус за трансфер на Мартин Касерес.

Дефанзивецот уште претходно ги имаше договорено личните услови со Бајанконертите и остануваше само Јуве и Барса да постигнат договор за начинот на трансферот.

Каталонците посакуваа перманентен трансфер и враќање на дел од инвестираните пари во Уругваецот пред само 12 месеци, додека пак Старата Дама посакуваше едногодишна позајмица со опција за перманентен трансфер следното лето.

По долги преговори Барса го промени ставот и Мартин Касерес селдната сезона ќе ја помина во Торино на едногодишна позајмица а Јуве ќе има опција за 10 милиони следното лето да го направи трансферот на дефанзивецот перманентен.

“Конечно сум играч на Јуве. Среќен сум, ова за мене е остварување на сонот. Со нетрпение го очекувам стартот на оваа нова авантура.” – Tuttosport го цитира Касерес.

Уругваецот утре треба да пристигне во Торино и да ги помине редовните рутински медицински тестови пред да го официјализира трансферот и да им се приклучи на своите нови соиграчи на подготовките за новата сезона.

Барса го ангажираше Касерес, кој игра во централниот дел на одбраната но и на страничните позиции, минатото лето за сума од 16,5 милиони евра.