Менаџерот на Вест Хем, Џанфранко Ѕола е уверен дека Лукас Нил ќе потпише нов договор со Чеканите.

Договорот на Лукас Нил со Вест Хем истече минатиот месец, Чеканите се во преговори за останување на австралијанецот и покрај тоа што тој е слободен да преговара и со други клубови.

Нил најпрво одби една понуда од Вест Хем, Ѕола се надева дека ќе успеаат да се договорат со дефанзивецот".

"Лукас Нил разговара со клубот, јас се надевам дека тој многу наскоро ќе постигне договор со клубот" - вели Ѕола.

"Знам дека неговото име се поврзува и со други клубови. Последниот пат кога зборував со фудбалерот тој ми кажа дека ако има нешто прво мене ќе ме информира".

"Не ми се јавил сеуште, па сметам дека сеуште има шанса да остане тука".

"Тој беше важен фудбалер минатата година, нашата цел е да бидеме подобри оваа година и се надевам дека тој ќе донесе одлука" - заврши Ѕола.

Галатасарај и Манчестер Сити се споменуваат како можни опции за Нил.

Powered by: 24 FUDBAL.com.mk