Играчот од средниот ред на Челзи, Михаел Есиен вели дека најдоброто од него допрва доаѓа и ги предупредува конкурентите дека тие имаат најдобар среден ред

Интернационалецот од Гана заработи повреда на коленото поради која паузираше околу шест месеци од минатиот шампионат.

Есиен се врати во завршницата од сезоната под водство на Гус Хидинк и покажа дека неговото влијание врз тимот е огромно.

Играчот од средниот ред сега се подготвува за уште подобра сезона под водство на новиот менаџер Карло Анчелоти.

“Повредата ми помогна многу.” – рече Есиен. “Потребно е да се биде силен за да се справиш со рехабилитацијата и да се работи напорно.”

“Сега сум посилен од претходно. По враќањето од таква повреда сега сум ментално посилен. Потребно е да бидете таков за да можете да се справите со поврадата.”

“Сега воопшто не се грижам за повредата бидејќу сум тип на личност кој заборава се што се случило кога ќе излезе на теренот и се фокусира само на фудбалот.”

“Ми беше многу тешко да ги гледам натпреварите од трибините и да го гледам тимот како поминува низ тежок период.”

“Јас сум тип на играч кој постојано сака да биде на теренот без разлика дали победуваме или губиме заедно”

Медиумите најавуаат дека екипата на Челзи е во обид да го ангажира Андреа Пирло иако Анчелоти има на располагање веќе неколку квалитетни играчи од средниот ред.

“Мислам дека имаме еден од најдобрите средни редови во светот. Кога ќе ги погледнете играчите ќе видите дека имаме навистина многу квалитет.”

“Сега сме многу силни но во иднина можеме да бидеме уште посилни.”

Powered by: 24 FUDBAL.com.mk