Андреи Аршавин смета дека силно за влегување во најдобрата четворка во Премиер лигата ќе се борат и Сити, Евертон, Тотенхем и Астон Вила.

Според Аршавин, Арсенал има еден од најсилните тимови во лигата, но очекува дека и Сити, Астон Вила, Евертон и Тотенхем ќе се борат за место кое води во Лигата на Шампионите.

Арсенал го продаде Емануел Адебајор, и успеа да го донесе дефанзивецот Вермален од Ајакс, се очекува Топџиите да донесат уште некое засилување до крајот на преодниот рок.

"Ние изгубивме многу добар фудбалер и ангажиравме добар дефанзивец (Вермален од Ајакс)" - вели Аршавин за рускиот весник Russian journal.

"Во исто време нашиот тим останува еден од најдобрите во Премиер лигата и покрај фактот што Адебајор си замина".

"Доколку тој сакаше да си замине, тогаш не е неопходно да го задржиме во тимот. Особено доколку фудбалерот не сака да игра за нас".

Aршавин смета дека за шампионската титула и овој пат ќе конкурираат Арсенал, Јунајтед, Челзи и Ливерпул, но тој во исто време е и загрижен дали Топџиите ќе успеат да останат во големата четворка.

"Шампион ќе биде некој од овие четири тима. Но за учество во Лигата на Шампионите ќе се борат и Манчестер Сити, Астон Вила, Евертон и Тотенхем".

Арсенал има тежок распоред на почетокот од сезоната, игра со Евертон, Портсмут, Јунајтед и Манчестер Сити.

Но Аршавин е задоволен што Топџиите нема да имаат натпревар на први јануари.

"Позитивната работа е што гледам дека нема да играме на први јануари. Од друга страна имаме тежок старт, со четири сериозни противници".

"Потоа е Лигата на Шампионите, и пласман во групната фаза е една од нашите главни цели на стартот од сезоната".

"Нема да биде лесно но верувам дека можеме да го обезбедиме тоа" - заврши Аршавин.

Powered by: 24 FUDBAL.com.mk