Бразилскиот интернационалец верува дека Манчестер Сити наскоро ќе биде тим од калибарот на Реал Мадрди и Барселона...

Манчестер Сити подпомогнат од богатството на Абу Даби Јунајтед Груп планира да се естаблира како водечка сила во глобалниот фудбал.

Робињо минатата година во рекорден трансфер за екипа од Островото беше првото големо засилување за Сити.

Оваа сезона на Бразилецот му се приклучија, Герет Бери, Роке Санта Круз, Карлос Тевез и Емануел Адебајор, а Марк Хјуз ветува нови големи имиња.

Останува да се види дали амбициозниот проект ќе биде успешен но Робињо е убеден дека пред Сити има блескава иднина и тие за краток рок ќе се приклучат на Европската елита.

“Манчестер Сити е навистина добар тим и тоа се целите на клбот. Тоа е она што ќе ги прави играчите среќни.” – рече Робињо за The People.

“Да се игра покрај големи ѕвезди во Реал беше брилијантно, но Манчестер Сити исто така има одлични играчи.”

“Тие во моментов не се големи ѕвезди, но тие во иднина сигурно ќе бидат.”

“За пет години, Манчестер Сити ќе биде силен тим со големи имиња. Исто како Реал Мадрид и Барселона.”

“Ова е голем проект и јас сакам да бидам голем дел од тоа за долг период. Ќе бидам во Манчестер во следните пет години, дури и да врне, тоа не е проблем за мене.”

Робињо инсистира дека Сити е способен оваа година да ја освои Премиер Лигата, и откри кои играчи би ги посакувал покрај него во иднина.

“Лионел Меси, Стивен Џерард и Деко.”

“Не знам дали тие некогаш ќе дојдат во Сити, тешко е да се предвиди, но тие можат да играат за било кој тим во светот.”

“Играчите кои пристигнаа ова лето исто така се многу добри играчи и со нив сме способни да ја освиме Премиер Лигата оваа сезона.”

“Сакаме да бидеме шампиони но ќе се задоволиме и со место во топ четири.”

Powered by: 24 FUDBAL.com.mk