Нероаѕурите на својата официјална веб страна потврдија дека Шведскиот интернационалец Златан Ибрахимович се поздравил со сите во тренинг кампот на клубот во САД и се враќа во Еворпа.

Ваквиот развој на настаните е очекуван откако Интер успеа да постигне договор со Самуел Ето за трансфер на Камерунецот на Џузепе Меаца а со тоа и трансфер на Златан Ибрахимович во Барселона.

“По утринската работа во тератаната во тренинг кампот во Хардвар и ручекот во хотелот, пред неколку минути Златан Ибрахимович се поздрави со Жозе Мурињо и тимот по што отпатува за Шведска.” – гласеше соопштението на официјалната страна на Интер.

“Напаѓачот во договор со клубот ја напушта турнејата во САД и се враќа во Европа по преговорите за негов трансфер.”

Се верува дека Ибра веќе се има договорено со Барселона и сега останува само играчот да ги помине лекарските прегледи и да стави потпис на договорот со Каталонците со што неговиот трансфер на Камп Ноу ќе се официјализира.

Powered by: 24 FUDBAL.com.mk