Братот на далеку пославниот Џон Арне, Бјорн Хелге Рисе од следната година ќе настапува во Премиер лигата откако потпиша за Фулам.

"Потпишувањето за Фулам е остварување на сонот за мене, едвај чекам да му се приклучам на тимот на подготовките откако го комплетиравме договорот" - изјави Рисе за клубскиот веб сајт.

"Од Фулам многу добро ги познавам Бреде Хангеланд и Ерик Невланд со кои заедно играм во националниот тим, тие ми кажаа само добри работи за клубот".

"Фулам имаше фантастична сезона минатата година под водство на Рој Хоџсон кој е менаџер кој многу го почитувам".

"Неговите резултати во Скандинавија говорат за него и јас сум многу возбуден што ќе играм под негово водство и ќе бидам дел од Фулам" - заврши Рисе.

Powered by: 24 FUDBAL.com.mk