Хосе Мариа Месаљес, агентот на Самуел Ето вели дека по крајот на денешниот ден преговорите со Интер се во напредна фаза и е оптимист околу целата зделка

Агентот на Камерунскиот интернационалец денес повторно пристигна во Милано и попладнево одржа нов долг состанок со управата на Интер.

На аеродромот Месаљес беше пречекан од голем број на новинари на кои им рече: “Преговорите се во многу напредна фаза, денес сме чекор понапред во однос на вчера.”

“Но сеуште ништо не е потпишано, потребно е сега малку да одмориме, утре повторно ќе продолжиме да преговараме.”

“Ситуацијата не е лесна и го бараме најдоброто решение за сите инволвирани страни.”

“Од вчера до денес ситуацијата се промени многу. Ето со нетрпение го чека конечниот договор, тој сака да биде дел од Интер и тоа е многу јасно.”

“Не очекумвме утре да се стави потпис на договорот. Но со малку работа до крајот на неделата можно е нешто да се случи.”

“Нема да давам никакви проценти но оптимист сум дека ќе постигнеме договор.”

Powered by: 24 FUDBAL.com.mk