Претседателот на Барселона, Хуан Лапорта вели дека преселбата на Златан Ибрахимович на Камп Ноу не зависи од одликата на Самуел Ето

Лапорта во петокот потврди дека тој начелно постигнал договор со Масимо Морати за трансфер на Ибрахимович и сега целата зделка зависи од самите играчи.

Медиумите објавија дека договор помеѓу двата клуба за кој говори Лапорта изнесува 45 милиони евра плус преселба на Самуел Ето во Интер како и позајмица на Александер Хлеб.

Потоа се појавија шпекулации дека Ето ќе постави високи барања за плата од околу 10 милиони евра а Камерунецот од Барса ќе побара и додатна сума од реализиацијата на трансферот во вреднос од околу 15 милиони евра со што може да ја загрози целата трансфер зделка.

Но претседателот на Каталонците, Лапорта сега навестува дека е можно да се комплетира зделката и без согласноста на Ето.

Лапорта за TV 3 рекол дека целата операција – во која се вклучени Ибра, Ето и Хлеб - е добра и за Интер и за Барселона бидејќи ја решава ситуацијата на неколку фудбалери.

Исто така тој нагласил дека ангажманот на Златан Ибрахимович не е во зависност од одлуката на Камерунецот. Следната недела ќе биде клучна за постигнување на конечен договор и Златан ќе може да се пресели во Барселона.

Лапорта потоа објаснил и дека по Златан Ибрахимович тие ќе ангажираат уште неколку фудбалери за да ги задоволат барањата на Пеп Гвардиола.

Powered by: 24 FUDBAL.com.mk