Италијанските медиуми откриваат дека Клаудио Раниери почнал легална постапка против Јувентус за остатокот од една година од неговиот договор со Старата Дама.

Јувентус го отпушти Раниери на две кола пред крајот од минатата сезона, но тој има договор до 30 јуни 2010 година.

Информациите велат дека тој поднел официјално барање да биде регистриран како тренер и за следната сезона, но Чиро Ферара веќе потпиша со Јувентус, па тие не можат да имаат двајца тренери.

Според правилата тоа значи дека, Јувентус е тој што го прекршил договорот и ќе мора да му плати оштета за остатокот од годината на Клаудио Раниери.

Според Tuttosport, Раниери ова го прави за да го принуди Јуве да го раскине договорот со цел да може да бара друга работа.

Сега не може да го направи тоа, бидејќи сеуште е под договор со Јувентус.

Раниери веќе беше поврзуван со тренерската позиција во Зенит.

Powered by: 24 FUDBAL.com.mk