Претседателот на Интер, Масимо Морати потврди дека со претседателот на Барселона, Хуан Лапорта разговарал за Златан Ибрахимович и Самуел Ето
По најавите на медиумите од Италија дека Хуан Лапорта е пристигнат во Милано во обид да го договори трансферот на Златан Ибрахимович, претседателот на Интер, Масимо Морати ги потврди шпекулациите.
“Се сретнав со Лапорта бидејќи по првиот состанок ветивме дека повторно ќе ја разгледаме ситуацијата.”
“Вечерва тој ми се јави и ми кажа дека се враќа од Украјна и дека сака да се сретнеме.”
“Го ратификувавме прашањето на Максвел. Разговаравме за Хлеб но и за други, меѓу кои Ибрахимович и Ето.”
“Ќе се обидеме да договориме нешто, сега се обидуваме да разбереме дали има можност за бизниз, но пред се е пријателството помеѓу двајцата претседатели.”
“Проценти? Доста е говорење за проценти, јас велам дека волјата на фудбалерот е многу важна.”
“Лапорта секогаш бил џентлмен, има уште многу време за да се комплетира било каква зделка.”
“По моето патување во Барселона и неговото во Милано кој знае... можно е да се сретнеме во Парис повторно.”
Извештаите на медиумите од Италија велат дека Лапорта сега се обидува да го контактира Ето со цел да дознае дали Камерунецот е желен за преселба во Интер.
Двајцата претседатели се сретна и пред неколку недели, тогаш во Барселона, и се договорија секој клуб да остане со играчите кои веќе ги има.
Според Sky Sport Italia Морати е подготвен да го продаде Златан Ибрахимович за 40 милиони евра како и услугите на Самуел Ето и Александер Хлеб.
Powered by: 24 FUDBAL.com.mk
