МЕНИ

Новото засилување за Интер, Диего Милито вели дека е среќен што успеал да се пресели во екипа од рангот на Нероаѕурите и ветува дека ќе даде максимум за да ја оправда довербата

По одличната сезона во Џенова екипата на Интер го ангажираше Диего Милито кој на Џузепе Меаца пристигна заедно со неговиот соиграч, Тиаго Мота.

Аргентинецот веднаш по пристигнувањето во Интер замина на турнеја со клубот во САД.

“Се чуствувам многу добро. Среќен сум што пристигнав во толку голем клуб како што е Интер, еден од најважите во светот.” – рече Милито.

“Горд сум што сум тука и сум многу среќен. Привилегија е да се тренира во САД, ние имаме среќа.”

“Местото е убаво, да се надеваме дека ќе ни донесе среќа и ќе ни помогне да имаме што е можно подобра подготовка за новата сезона.”

“Мојата прва цел е да си обезбедам место во првиот тим што е можно посокоро и да добивам шанса за настап. Тоа е нешто што го посакува секој нов член во групата, но и целите на клубот ќе бидат многу важни.”

“Јас сум како останатите момци; секогаш се обидувам да дадам се за доброто на тимот и остварување на важни цели. Па мојата единствена цел е да му помогнам на тимот.”

“Исто така сакам да им се заблагодарам на фановите на Интер бидејќи по само два дена тренинг во Апиано Џентиле тие направија да се чуствувам како долгогодишен фудбалер на Интер.”

“Ќе се обидам да ја возвратам нивната верба и ќе дадам се од себе тие да бидат среќни и задоволни.”