МЕНИ

Англиските медиуми пренесуваат дека екипата на Манчестер Сити доставила ултиматум до Самуел Ето кој има 24 часа да одличи дали ќе ја прифати нивната понуда и да стане фудбалер со најголема плата

Манчестер Сити чека скоро две недели Ето да каже ’ДА’ за да се комплетира трансферот на Камерунецот.

Но според Daily Mirror Марк Хјуз не планира ушете долго да чека и предупредува Ето дека е можно да се насочат кон други трансфер цели.

Поранешниот фудбалер на Мајорка инаетливо се однесува кон Барса и дури одбива да му се јави на претседателот Хуна Лапорта.

Сити верува дека понудата за плата поголема од 200 000 фунти неделно е доволно за да го привлечат напаѓачот, но сега тие стравуваат дека Камерунецот се обидува да го привлече вниманието на некој друг клуб.

Ето е во силна позиција бидејќи договорот му истекува за една година кога ќе стане слободен агент и знае дека Барселона посакува да го продаде со цел да ги финансира своите трансфери.

Mirror вели дека Ето е во исчекување на други понуди, по можност од Челзи но малку е веројатно Сините да тргнат по напаѓачот поради висината на оштетата и платата која ја побарува играчот.

Сепак Сити нема да чека вечно и Арапите сакаат Ето да биде презентиран следната недела и да го имаат напаѓачот во тимот на турнејата во Јужна Африка.

Во ангажманот на Ето се гледа како на големо засилување за подобрување на имиџот на клубот но сопствениците на Сити нема да чекаат уште премногу и ќе ја повлечат понудата до Барса по што ќе се насочат кон други цели.