Претседателот на Лацио, Клаудио Лотито вели дека нема да дозволи Ледесма и Пандев да заминат ефтино и открива дека е незадоволен од начинот на кој Зенит се обидел да го ангажира Македонецот
“Нема да има дисконот за Ледесма и Пандев.” – рече Лотито. “Тие ќе заминат само доколку добиеме соодветна понуда и доколку преговорите се одвиваат на регуларна основа.”
“Немаше успешен крај на преговорите со Зенит за Македонецот.”
“Јас добив само еден телефонски повик од едно лице кое беше посредник. Не ми се јави ниту претседателот ниту пак легалниот претставник на клубот.”
“Чувствувам дека ова е некоректно бидејќи ние сме Лацио, голем клуб, а не некој трето-класен клуб.”
“Во саботата кога јас сакав да ангажирам фудбалер (Матузален од Сарагоса) се качив во авион и заминав да преговарам со управата на клубот. Очекувам Зенит да го стори истото.”
“Покрај тоа што разговарав со посредник тој ме натера да разберам дека тие имаат договор со играчот и се обиде да ме принуди да прифатам помала понуда, но тоа може да има легални последици.”
“Немам ништо против Пандев и има договор со неговиот агент кој планирам да го испочитувам. Доколку пристигне соодветна понуда тој ќе замина.”
“Договорите мора да се почитуваат. Лацио не е како Манчестер Сити да купува за 100 а да продава за 5.”
Powered by: 24 FUDBAL.com.mk
