Новото засилување на Реал Мадрид, Кристијано Роналдо вели дека сега е исполнет сонот на едно младо момче и додава дека вреди повеќе од 94 милиони евра

Роналдо во понеделникот беше презентиран како нов фудбалер на Кралскиот Клуб пред полн Сантијаго Бернабе, во спектакал кој сигурно ќе остане за паметење.

“Презентацијата беше неверојатна, не можев да верувам во она што го гледав.” – рече Роналдо за AS. “Беше прекрасно.. неверојатно. Не очекував нешто такво.”

“Уште од мали нозе знам дека Мадрид е најпознатиот клуб во светот, дури и во мојот роден град Мадеира.”

“Тие ги ангажираат најдобрите фудбалери во светот и сите одлични интернационални лица.”

“Сите деца од мојата генерацијата во Португалија зборуваат за Мадрид и затоа е привилегија што сум тука.”

“Сонот на едно момче е исполнет.”

Роналдо не можеше да го добие дресот до бројот 7 зошто тој му припаѓа на Раул кој е сегашна икона на клубот, но Португалецот го доби дресот со број 9 кој го носеше Алфредо Ди Стефано уште една голема легенда на Кралевите.

“Се сретнав со Ди Стефано на денот кога пристигнав на Бернабе и ми беше задоволство што се сретнав со него.”

“Бројот 9 е митски број во Мадрид и претходно бил носен од големи фудбалери. Исто е како со бројот 7 во Манчестер Јунајтед. Би сакал тој број да го носам и во Реал Мадрид но тој е веќе зафатен од Раул. Но и покрај тоа задоволство ми е да го носам дресот со бројот 9.”

“Раул е одличен фудбалер, некој што ја има испишано историјата на клубот, тој доаѓа од кантерата.”

“Тој има освоено се во Мадрид и тој продолжува да игра добро, тоа може да се види од бројот на погодоци што го постигна лани.”

Роналдо по трансферот на Бернабе стана најскапиот фудбалер во историјата на фудбалот и сумата платена за неговите услуги предизвика голема дебата.

Но тој уште еднаш вели дека Реал направил правилен потег.

“Секако дека треба да се платат 94 милиони евра за мене. Или повеќе. Мислам повеќе. Сите велат не, но јас велам да. Некој ќе треба да ме цени.”

Powered by: 24 FUDBAL.com.mk