МЕНИ

Директорот на Лацио, Игли Таре вели дека Горан Пандев сака да замине од Рим но Бјанкочелестите не се подготвени да се ослободат од напаѓачот за помалку од околу 18 милиони евра

Македонскиот интернационалец денес се врати во Рим за стартот на подготовките за новата сезона на Бјанкочелестите.

Но прашање е колку долго Пандев ќе остане во Рим откако тој јавно прозна дека сака да замине од Лацио ова лето барајќи нов предизвик.

Јувентус и Наполи го следат интернационалецот од Македонија а за напаѓачот интерес има и од екипи надвор од Италија.

“Пандев сака да замине но ние не можеме да дозволиме тој да замине ефтино.” – рече Таре.

“Наполи плати околу 18 милиони фунти за Фабио Кваљарела и нашиот играч не вреди под таа сума.”

“Нивната цена е скоро иста, но Наполи до сега нема доставено формална понуда.”

“Ние само сме во исчекување на добра понуда во овој дел од трансфер периодот но нема да даваме проценти околку изводливоста на овој трансфер.”

“На пример Кака го напушти Милан за само неколку дена.”

Медиумите од Италија најавуваат дека во текот на неделава дефинитвно ќе се реши иднината на Горан Пандев.

Извештаите говорат дека Бјанкочелестите веќе имаат пронајдено замена а тоа е Роберт Аскафреска, кој сега е во сопственост на Џенова по трансферот на Диего Милито во Интер.