Екипата на Реал Мадрид го презентираше Кристијано Роналдо пред скоро полн Сантијаго Бернабе во спектакл кој сигурно ќе остане за памтење

Фановите на Реал Мадрид се собираа пред Сантијаго Бернабе во текот на целиот ден за да го видат Кристијано Роналдо.

Презентацијата на Португалецот го надмина спектакалот на Кака и сигурно е на исто ниво како оној на Диего Марадона во Наполи, откако вечерва на Сантијаго Бернабе присуствува од 75-80 000 фанови.

Како што најавија медиумите од Шпанија, Роналдо се појави со бројот 9 на грбот, дресот на легендата Алфредо Ди Стефано.

Во краткото обраќање до фановите на Сантијаго Бернабе, Роналдо рече: “Многу сум среќен што сум тука.”

“Сега мојот сон од детството стана реалност.”

“Не очекував полн стадион – ова е навистина импресивно. Ви благодарам на сите.”

Потоа Роналдо ги повика да бројат фановите до три и сите заедно да кажат: Hala Madrid!