Цената на Пандев е околу 19 милиони евра...

Спортскиот директор на Лацио, Игли Таре вели дека цената на Горан Пандев е околу 19 милиони евра.

 Иднината на нашиот интернационалец, Горан Пандев сеуште е неизвесна, тој сака да замине но Лацио не сака по секоја цена да откаже од неговите услуги.

"Пандев ја искажа својата желба да замине, но ние не можеме едноставно така да го продадеме него" - изјави Таре за радиото Kiss Kiss.

"Неговата цена? Наполи плати помеѓу 18 и 19 милиони евра за Кваљарела, кој е одличен напаѓач, но не мислам дека Пандев вреди помалку".

Таре не сака да дава проценти дали Пандев ќе си замине или не.

"Можностите тој да си замине? Во фудбалот се е можно. Еден ден Кака е во Милан а следниот веќе не" - заврши Таре.

Медиумите шпекулираат дека неколку екипи се интересираат за Пандев, но речиси и да нема конкретна понуда.

Сите опции се отворени, во наредните неколку недели треба да се знае и конечната разврска на настаните.

Powered by: 24 FUDBAL.com.mk