Кристијано Роналдо верува дека брзо ќе се адаптира во Реал Мадрид и ќе ги исполни високите очекувања на фановите.

Роналдо е свесен дека фудбалот во Шпанија не е ист со оној кој се игра во Премиер лигата, но тој се надева дека брзо ќе се адаптира во Реал Мадрид.

"Фудбалот во Англија е поинаков, тој е повеќе физички" - изјави Роналдо за Sky Sports News.

"Без разлика колку сте добар, потребно ви е време да се адаптирате на било каков начин на фудбал. Се надевам дека тоа ќе го направам најбрзо што можам".

"Во мојата кариера секогаш си задавав различни предизвици. Тоа го правев секоја година во Манчестер Јунајтед".

"Оваа сезона е поинаку бидејќи ова ќе биде комплетно поразлично искуство за мене и предизвиците ќе бидат поинакви".

"Очекувањата ќе бидат многу големи но ќе се потрудам да ги исполнам. Знам кој сум и знам што можам да направам".

"Сега се релаксирам со мојата фамилија и сигурен сум дека ќе бидам одморен ментално и физички пред моето пристигнување во Реал Мадрид".

Роналдо се надева дека фановите на Манчестер Јунајтед ќе ја разберат неговата одлука да замине во Реал Мадрид.

"Реал Мадрид е клуб во кој од секогаш сакав да играм. Благодарен сум на можноста што ми ја додоа".

"Се надевам дека фановите на Манчестер Јунајтед ќе ја разберат мојата одлука. Тоа беше взаемна одлука во која брзо дојде до договор и јас сум среќен поради тоа" - заврши Роналдо.

Powered by: 24 FUDBAL.com.mk