МЕНИ

Претседателот на Лацио, Клаудио Лотито е подготвен да го продаде Пандев на Наполи но предупреди дека Наполитанците мора да ја платата истата сума како и за трансферот на Кваљарела

“Пандев во Налопи? Доколку некој сака нешто што е достапно, тогаш мора да направи нешто за големата желба да стане реалност.” – рече Лотито.

Претседателот на Лацио, Клаудио Лотито повторно проговори за интересот на Наполи за услугите а Горан Пандев кој најави дека сака да замине од главниот град на Италија.

“Никогаш немав намера да го ставам Горан на транфер пазарот, но со оглед на ситуацијата тоа ќе мора да се случи.”

“Наполи потроши голема сума за трансферот на Кваљарела и Пандев вреди исто колку и интернационалецот на Италија.”

Сега веќе поранешниот напаѓач на Удинезе беше првото засилување за Наполи и клубот за неговите услуги плати 16 милиони евра како и половина од сопственоста на Маурицио Домици.

“Јас го ангажирав Зарате за 20 милиони евра, и не гледам причина Де Лаурентис да не плати толку за Пандев.” – додаде Лотито.

“Во преговорите со Удинезе, Аурелио (Де Лаурентис) вклучи и еден играч па верувам дека е можно да разговараме со Наполи за слична зделка.”

“Богличијано? Треба да се види таа опција но секоја алтернатива треба да биде одобрена од фудбалерот.”

“Подготвен сум да го продадам Пандев на Наполи бидејќи сум добар пријател со Аурелио Де Лаурентис.”

“Во моментов нема договор со Наполи за трансфер на Пандев, ниту пак со Јувентус.”