Интернационалецот од Парагвеј попладнево го комплетираше трансферот во редовите на Манчестер Сити и стана второто големо засилување за Марк Хјуз

“Роке Санта Круз конечно ја обнови успешната соработка со Марк Хјуз станувајќи второто засилување на менаџерот на Сити ова лето.” – гласеше соопштението на офицјалната страна на Манчестер Сити.

Токму Хјуз го донесе Санта Круз во Премиер Лигата пред две години од редовите на Баерн Минхен и Парагваецот имаше успешна прва сезона на Островото постигнувајќи 23 погодоци.

Сити се обиде да го ангажира Санта Круз уште во јануари но не можеа да постигнат договор со Блекбурн.

Шест месеци подоцна напаѓачот конечно стави потпис на договорот и стана второто големо засилување за клубот по трансферот на Герет Бери.

27 годишниот Санта Круз утрово го помина сите медицински прегледи, процес кој траеше околу четирипол часа, а докторите на Сити особено внимание посветиле на коленото кое предизвика напаѓачот да пропушти голем дел од изминатава сезона.

Се верува дека Сити за услугите на Санта Круз платил околу 18 милиони фунти.

Powered by: 24 FUDBAL.com.mk