Галиани: Пирло останува во Милан 99,99%...
Потпретседателот на Милан, Адриано Галиани проговори за трансфер пазарот на Росоњерите, најави дека нема да има ново преговори со Порто за трансфер на Али Сисоко и потврди дека Андреа Пирло останува на Сан Сиро
Трансферот на левиот бек пропадна во последен момент бидејќи лекарскиот тим на Милна не беше задоволен од резултатите добиени од медицинските тестови.
Росоњерите доставија нов предлог до Порто за ангажман на фудбалерот на едногодишна позајмица со опција за перманентен трансфер но финансиските услови што шампионот на Португалија ги постави за новата зделка беа превисоки за Милан па трансферот на Али Сисоко пропадна.
“Преговорите се завршени. Не пронајдовме договор со Порто околку позајмица на фудбалерот со право на перманентен трансфер, ниту пак за намалување на цената за продажба.” – рече Галиани.
“Мислам дека нема да има нови преговори со Порто. Се обидовме еден ден, денипол но не можевме да најдеме финансиски договор задоволителен за двете страни.”
“Дали има некои други алтернативи? Не, мислам дека нема. Ќе продолжиме со оние кои ги имаме на располагање и кои се многу добри. Ги имаме Замброта, Одо, Јанкуловски, Антонини, Бонера, како и Фламини кој исто така може да игра како бек.”
Милан се поврзува со уште еден фудбалер, напаѓачот на Волфзбург, Един Џеко.
“Џеко е одличен фудбалер, но Волфзбург во моментов не сака да го продаде. Се надеваме дека ќе го ангажираме, но доколку тоа не се случи ќе тргнеме по други цели.“
“Тешко е за секој клуб да задржи фудбалер кој не е среќен, и тоа е правило кое важи за сите на трансфер пазарот.“
Запрашан дали меѓу другите опции кои ги имаат е и Џузепе Роси од Виљареал, Галиани рече: “Роси е одличен фудбалер но ние веќе имаме два напаѓачи од негов тип, ги имаме Пато и Роналдињо и моментално сме во потрага на играч кој ќе биде класичен центарфор.“
Андреа Пирло е еден од играчите кои се поврзува со преселба во Челзи но Галиани вели дека играчот од средниот ред ќе остане во Милан.
“Немаме добиено понуди за него од ниту еден клуб и доколку добиеме веднаш ќе ги вратиме до тој што ги испратил.”
“Пирло 99,99% останува во Милан. Ние продолжуваме да веруваме дека имаме тим од одлични шампиони. ”
Powered by: 24 FUDBAL.com.mk
