Стратегот на Интер, Жозе Мурињо вели дека го посакува дефанзивецот на Челзи, Рикардо Карваљо со цел да креира тим кој ќе може да ја освои Лигата на Шампионите

Дефанзивецот на Челзи заедно со својот соиграч Деко се поврзуваат со преселба во Интер а интересот го потврдија и претседателот Морати и стратегот Жозе Мурињо.

32 годишниот Карваљо минатата сезона го изгуби првотимскиот статус поради честите повреди но Мурињо верува дека со поранешниот играч на Порто во тимот ќе може да го донесе трофејот од Лигата на Шампионите на Џузепе Меаца.

“Потребно ми е искуството на Рикардо во мојата одбрана.” – рече Мурињо. “Тој е одличен дефанзивец и го знае мојот систем на игра и моите идеи.”

“Во Лигата на Шампионите тој може да се покаже како одлучувачки фудбалер.”

“Ситуацијата на Кварезма? Разговарав овие денови на оваа тема, тој заслужува уште една шанса во Италија.”

“Кога се сретнав со него последниот пат тој беше мотивиран и со желба за успех. Очекувам многу од него...”

Powered by: 24 FUDBAL.com.mk