МЕНИ

Екипата на Наполи во последните неколку дена стана главен фаворит за потписот на македонскиот интернационалец, Горан Пандев.

Италијанските пред два дена објавија дека Наполи доставиле понуда до Лацио, но подоцна тоа беше негирано од претседателот на Бјанкочелестите, Клаудио Лотито.

Сепак тој порача дека е подготвен за преговори но ги советуваше своите колеги да не ги користат медиумите и да му се јават доколку посакуваат некој негов фудбалер.

Агентот на Горан Пандев, Карло Палавично вчера изјави дека тој сеуште не стапил во контакт со претставници на Наполи но не ја исклучи можноста за транасфер на Македонецот во Неапол.

Според последните информации на медиумите од Италија, Наполи не се откажува лесно од Горан Пандев и нови преговори помеѓу двата клуба ќе има многу наскоро.

Corriere del Mezzogirono објави дека 4 милиони евра го делат Горан Пандев од преселба во Наполи.

Претседателот Де Лаурентис е подготвен да одвои 10 милиони евра за напаѓачот чиј договор истекува за една годиниа но неговиот колега од главниот град побарува 14 милиони евра за услугите на Пандев.

Медиумите од Италија претходно цврсто го поврзуваа Македонецот со преселба во Јувентус но управата на Бјанкочелестите негираше дека се во преговори за трансфер на Пандев а Јуве во моментов е насочен кон друга цел, младиот напаѓач Џузепе Роси.