Советникот на Флорентино Перез, Зинедин Зидан вели дека преговорите со Баерн Минхен за ангажман на Франк Рибери се во тек

Ѕвездата на Баерн Минхен се поврзува со неколку клубови ширум Европа и покрај тоа што Баварците не сакаат да слушнат за продажба на Рибери.

Реал Мадрид важи за голем фаворит во трката за потписот на Рибери бидејќи неговиот сонародник Зинедин Зидан притиска за реализација на овој трансфер.

Поранешниот број 10 на Триколорите моментално се наоѓа во родната Франција но вели дека преговорите со Баерн Минхен за трансфер на Рибери се во тек и тој е оптмист за преселба на неговиот сонародник на Сантијаго Бернабе.

“Преговорите за ангажман на Рибери се во тек.” – рече Зидан за Le Parisien.“Иако не сум во Мадрид тие преговараат овие денови.”

“Лично јас сум многу голем оптимист за пристигнувањето на Рибери во Реал Мадрид.”

“Ангажманот на Рибери е моја желба и желба на претседателот па ќе сториме се за тој да пристигне.“

Powered by: 24 FUDBAL.com.mk