Според информациите кои доаѓаат од англиските медиуми, Малдини е во преговори за позицијата тим менаџер во Челзи.

Легендарниот фудбалер на Милан, Паоло Малдини ја заврши играчката кариера, но изјави дека не сака да биде тренер гледајќи ги проблемите со кои се соочувал неговиот татко Чезаре.

Според Daily Star, Малдини би можел да работи со заедно со Карло Анчелоти и Рој Вилкинс во Челзи.

Информациите велат дека Малдини синоќа од Мајами каде што е на одмор, отпатувал во Лондон на состанок со Анчелоти и директор на Челзи.

Легендарниот италијански дефанзивец одлично го владее англискиот јазик, што би било од големо значење за Карло Анчелоти.

Малдини претходно ја одби понудата да биде координатор на младите категории во Милан.

Powered by: 24 FUDBAL.com.mk