Претседателот на Виган, Дејв Вилан потврди дека Роберто Маринез ќе биде новиот менаџер на клубот

Официјално соопштение се очекува во следните 24 часа, но Вилан во интервју за Sky Sports News потврди дека Виган има договор за ангажман на Мартинез.

Шпанецот, кој се сложил да потпише тригодишен договор, стана приоритет на Виган по заминувањето на Стив Брус.

Свонси во прв момент не сакаа да му дозволат на Мартинез да преговара со Виган, но откако Виган се сложи да плати околу 2 милиони фунти оштета, Шпанецот доби зелено светло.

Мартинез, кој има поминато шест години во Виган како фудбалер, е еден од најперспективните и највисоко ценети млади менаџери.

Претседателот, Дејв Вилан утре повторно ќе се сретне со Мартинез и ќе разговара за трансфер буџетот за следната сезона.

“Многу сум возбуден поради обезбедување на услугите на Роберто Мартинез. За него имам многу високо мослење.” – рече Вилан.

“Во среда ќе се сретнеме и повторно ќе разговараме за многу работи, меѓу кои и трансфер буџетот и потрагата на нови фудбалери.”

Powered by: 24 FUDBAL.com.mk