Потпретседателот, Фернандо Тапиас потврди дека Реал Мадрид има пред-договор за ангажман на Кристијано Роналдо и ќе треба да платат 30 милиони доколку не го испочитуваат

Медиумите долго време шпекулираат дека Рамон Калдерон, претходниот претседател на Реал Мадрид има пред-договор за ангажман на Кристијано Роналдо и Кралевите треба да плаат 90 милиони евра за да го ангажираат Португалецот, во спротивно казната за непочитување на договорот е 30 милиони евра.

“Дали постои таков договор? Да... но тоа не е наша грешка.” – рече Тапиас за шпанската радио станица Cadena COPE.

“Роналдо е одличен фудбалер. Се сеќавам кого бев претходно во клубот и Фиго беше тука и им говореше на луѓето за него.”

“Тој е еден од најдобрите фудбалери во светот.”

“Несомнено Роналдо има специјални карактеристики и вистина е дека цената е претерана.”

“Можеби ФИФА треба да стави лимит на трансферите од 50 милиони евра.”

Флорентино Перез претходно не сакаше да потврди дали има пред-договор за ангажманот на Кристијано Роналдо кој истекува на 30 јуни но потврди дека посакува да го види Португалецот на Сантијаго Бернабе.

Powered by: 24 FUDBAL.com.mk