Атлетик Билбао инсистира дека тие немаат добиено понуда од Ливерпул за услугите на младиот играч од средниот ред, Хави Мартинез

Шпанецот во последно време цврсто се поврзува со преселба на Енфилд откако Рафа Бенитез се врати во родната земја во потрага на нови акцизиции.
Се верува дека Ливерпул неколку пати испратиле скаути да ја следат играта на 20 годишниот Мартинез и тие се прилично импресионирани од она што го виделе.
Шпекулациите велат дека Црвените се подготвуваат за трансфер вреден околу 10 милиони фунти, но Атлетик Билано сеуште нема добиено понуда.
“Знаеме дека има голем интерес за Хави Мартинез, и дека Ливерпул имаше испратено свои скаути на нашите натпревари, но клубот нема добиено ниту една понуда.” – потпаролот на клубот од Баскија рече за skysports.com.
“Немаме намера да го продадеме играчот, но секако дека ќе ја разгледаме секоја понуда што ќе пристигне.”
Мартинез, во меѓувреме, призна дека е заинтересиран за можноста да се пресели на Енфилд.
“Шпекулациите не влијаат на мојата игра. Јас сум многу смирен. Доколку добијам понуда ќе разговарам со клубот.”
“Ливерпул е одличен тим со голема историја и секој играч би посакал да бида во таков состав.”

Powered by: 24 FUDBAL.com.mk