Најпрво објавија од Ферари, славниот италијански тим во кој Schumacher во непрекината низа го освојуваше првото место од 2000 до 2004 година, пет пати по ред. Боите на италијанскиот тим, Германецот ќе ги брани веќе од 23 Август во Валенсија. "Вистина е дека поглавјето за Формула 1 оддамна го затворив, но вистина е и дека немам право да ја игнорирам оваа несреќна ситуација", рече Германецот во својата изјава. "Најбитна вест е тоа што Фелипе е добар.
Му посакувам се најдобро. Денес разговарав со Luco di Montezemol и Stefano Domenicali. Разговаравме и заеднички одлучивме дека најдобро е да го заменам Фелипе. Со оглед на тоа што отсекогаш сум бил борец, се радувам и на овој нов предизвик". Последната трка ја извози во болидот на Ферари на бразилскиот Interlagos на 22 Октомври 2006 година. Таа година по втор пат ја изгуби титулата од Шпанецот Fernandо Alonsо. Несреќата на Felipe Massа на Хунгароринг му даде нова прилика.
