Мел Гибсон за чие насилство и жестоки испади во последно време се пишувало многу повеќе од успесите во актерството, сега спас за својата актерска кариера гледа во четвртото продолжение на "Лудиот Макс 4"...

55 годишниот актер и режисер моментално е дел од екипата која работи на филмот, а иако од претходно е познато дека некој нов помлад актер ќе го замени Мел и ќе ја одигра главната улога, Гибсон наводно размислува за појавување во филмот во некоја друга улога.

"Со сите сили се трудил повторно да ја покрене својата актерска кариера и го гледа 'Лудиот Макс' како идеална прилика за тоа. Таа улога го лансираше на почетокот од кариерата па се надева дека ќе значи и неговото повторно враќање", открил за американските медиуми еден неименуван извор, близок на Гибсон.