Актерот Даниел Редклиф за списанието GQ откри дека престанал да пие, затоа што сфатил дека има проблем...

Редклиф, 22 години, ѕвездата од серијалот за Хари Потер, во интервју откри дека веќе речиси година дена не пробал ниту капка алкохол.

„Сфатив дека станав зависник. За се што требаше да направам, се потпирав на водката. Не сум личност која може да отиде на забава и да прекина после две пијачки“, рече тој.

„Одлучив целосно да престанм. Моментално уживам во тоа што имам убава врска со својата девојка, а не да сум здробен пијан цело време“, рече Редклиф, кој не го откри идентитетот на својата девојка.

Оваа изјава ја шокира јавноста, затоа што „децата“ од Хогвортс важеа за мирни млади ѕвезди.

„Ми удри во глава тој начин на живот, имаше неколку години кога ‘глумевме Холивуд’. Сфаќам дека добро се извлеков, затоа што ниеднаш не ме фатија папараците. Тоа е чиста среќа“, заклучи Редклиф.