Џеј Зи одушевен и понудил соработка на Адел, а таа скромно го упатила на концерт на Паол Нутини...

Музичката елита од целиот свет овие денови се упати во Велика Британија за да проследат уште еден Glastonbury фестивал. Деновите на одлична музика и забава се завршени, а ги заклучи Бијонсе со својот концерт.

Со неа, во Британија се појави и Џеј Зи, кој таму дошол со целата своја свита на соработници, но, не за да ја поддржа сопругата, туку еден од поголемите приоритети му била средбата со Адел. Отишле на ручек и зборувале за соработка.

„Џеј го искористи во целост своето патување во Британија. Не го воодушевуваат често луѓето, но Адел беше во своето најдобро издание. Тој сака да работи со неа, да пишува за неа и да продуцира за неа. Голема ѕвезда е во САД и тој верува дека заедно можат да растурат.

Подоцна зборуваа за Glastonbury и Адел му рече задолжително да го послуша Паол Нутини. Рече дека тој е нешто што мора да се види на фестивалот“, откри извор близок на британските медиуми.