Минатата недела во тајност склучиле брак Даниел Крег и Рејчел Вајс...

Актерот Даниел Крег и неговата колешка Рејчел Вајс ги изненадиле сите и се венчале минатата среда во Њујорк. На парот му успеало тоа што во Холивуд е речиси невозможно, да се венчаат во тајност и да го задржат тоа речиси десет дена за себе. На венчаквата биле само нивните деца и двајца пријатели, кои биле семејни пријатели и сведоци на целата церемонија.

„Даниел и Рејчел сакаа мала, тивка венчавка. Многу се заљубени и одвај чекаа да станат сопружници, но сакаа да привлечат минимално внимание на нив“, изјави извор близок на парот. Неколку години биле пријатели, а повеќе пати демантирале дека се заедно. Двајцата влегле во врска по раскинувањето на долгогодишните односи со други луѓе. Имено, рејчел беше во врска со Дерен Ароновски девет години, а добиле и син, а Даниел беше верен со Сатсуки Мишел.