Според магазинот Форбс, бендот U2 заработил речиси 200 милиони долари во изминатата година...

Боно, Еџ и екипата се наоѓаат на првото место на листата најплатени музичари, со заработка проценета на 195 милиони долари во последните 12 месеци. U2 во моментов е близу крајот на најдоходовната турнеја во историјата на музиката, во која настапувале пред околу 7 милиони луѓе.

На второто место е Бон Џови, кој одржал 74 концерти во изминатата година и заработил 125 милиони доалри. Елтон Џон е трет со 100 милиони долари, а четврта е Лејди Гага со 90 милиони долари. Таа за една година одржала дури 137 концерти во 22 земји.

Пети е канадскиот пејач Мајкл Бабл со 70 милиони долари, а шести Пол Макартни со 67 милиони долари. Поранешниот Битлс ја претекнал групата Black Eyed кои заработиле 61 милиони долари.

Познатата група The Eagles заработила 60 милиони, а најмладиот на листата е канадската тинејџ ѕвезда Џастин Бибер кој заработил 53 милиони долари.

На десеттото место на Форбс е бендот на Дејв Метјуз, кој одржал 68 концерти и заработил речиси 1 милион на вечер.