Интернет гигантот Амазон е преплавен од барањата на малите чудовишта на Лејди Гага, кои бараат евтино симнување на нејзиниот нов албум...

Тој е познат по попусти и намалени цени, за своите милиони муштерии ширум светот.

Шефовите на Амазон немале поим во што се впуштаат кога го понудиле новиот албум на фановите на Лејди Гага за само 99 центи.

Вториот целосен албум на пејачката, Born This Way, беше издаден ширум светот во понеделникот, но фановите во САД добиле договор за пониска цена од страна на Амазон само за еден ден.

Понудата исто така му помогнала на Амазон да го промовира новиот Cloud Drive сервис.

Меѓутоа, само неколку часа подоцна, рано попладне, малопродажбата на страницата била откажана и илијадници фанови останале разочарани откако не можеле да го симнат целосниот албум или да ги слушаат 14-те песни од него.

Лутите муштерии наскоро ги употребиле Твитер или Фејсбук за да се ослободат од својот бес, а некои дури пишувале на review секцијата на Амазон.

Амазон само им се заблагодариле на корисниците за трпението и рекле дека кој ќе го порача албумот ќе го добие целосно за 99 долари.

За тоа време пак, други фанови се наредија пред Best Buy во Њујорк за да ја запознаат Лејди Гага која таму потпишуваше копии од албумот.