Актерката Анџелина Џоли открила дека нејзината последна тетоважа нема никаква врска со посвојувањето на уште едно дете, туку дека тоа е мапа, и тоа многу посебна...

Најновата тетоважа на Анџелина се всушност координатите на родното место на нејзиниот сакан, Бред Пит.

Патот до неговото срце, Анџелина веќе оддамна го пронашла, а сега се "поплочил патот" и до родниот град...

Минатиот месец, во медиумите се шпекулираше дека познатата оскаровка ќе донесе уште едно дете, откако на левата рака, која ги содржи координатите на родното место на нејзините шесте деца, таа додаде нова.

Меѓутоа, во интервју за "Екстра", актерката објаснила дека тетоважата всушност нема врска со посвојувањето на уште едно дете.

"Ако барем малку новинарите се разбираа во географска ширина и должина многу брзо би откриле дека тоа се координатите на местото на раѓање на Бред. Во прашање е градот Шони во Оклахома", изјавила актерката.

Таа додала дека семејството е "отворено" за уште едн посвојување, но не во блиска иднина, поради бројните обврски.