Софија Лорен синоќа на Беверли Хилс уживала на забавата која била организирана од Academy of Motion Picture and Art само во нејзина чест...
Филмската дива подготвено позирала покрај златните статуи на Оскарите и уште еднаш докажала дека и со 76 години се држи одлично. Посебната насмевка на лицето ги измамила и нејзините синови, Карло и Едуардо Понти, кои ја ставиле својата мајка "во сендвич" и цело време ја бакнувале додека таа позирала.
Легендарната актерка рекла дека е исклучително почестена со забавата во своја чест и оддавањето на признание. "Не го очекував тоа. Тоа е прекрасно, бидејќи јас припаќам на италијанските Филмови, а ние италијаните баш и не добиваме вакви одлични признанија и чест", рекла актерката, која на забавата дошла со Били Кристал. Тој целата вече ја водел програмата посветена на актерката, а гостин и бил и Џон Траволта.
