Полицијата истражува како петгодишниот син на актерот се здобил со телесни повреди во ноќта кога Кејџ е уапсен...

Николас Кејџ (47) бил приведен "мртов пијан" на 15-ти април во Њу Орлеанс откако на улицата се расправал со својата сопруга Алис и грубо ја влечел низ улицата. Актерот бил обвинет за семејно насилство и нарушување на јавниот ред и мир.

Алис Кејџ на полицијата рекла дека оскаровецот испил поголема количина на алкохол, започнал жестока кавга со неа, и во еден момент го кренал и нивниот петгодишен син Кал-Ел.

"Бидејќи неможеше да стои на нозете од пијанство, неможел да го држи ниту детето во рацето, и детето се здобило со повреди на нозете и раката", наведува американскиот печат.

Сопругата на познатиот актер, рекла дека истата вечер Кејџ грубо го удрил детето по рака, поради што повторно тоа паднало на подот.

Полицијата поради овие инциденти во случајот вклучила и детективи од одделот за семејно насилство, која ќе испитува дали момчето било подложено на физичко малтеретирање.