Идеалот за женска привлечност постојано се менува, а ова го потврдува и истражување за самци, кое е извршено во Америка...



Мажите се повеќе сонуваат за силни, самосвесни и паметни жени, како што е Амал Клуни, на кои не им треба помош од своите партнери во извршувањето на секојдневните активности, но и во решавањето на големите светски проблеми.

Познатата интернет страница Match.com, направила големо истражување врз основа на примерок од 5.675 самци во Америка. Дури 87% од испитаните мажи, признале дека ќе се согласат за врска со жени кои заработуваат подобро од нив и се повеќе образовани.

Сличен репрезентативен примерок на мажи од 86%, признале дека сакаат партнерка со самодоверба, додека повеќето од испитани мажи, 90%, рекле дека сакаат да излегуваат со жена, која го преземала првиот чекор, односно, ќе ги повика на состанок.

Овие општествени промени истражувачите ги нарекуваат „Ефектот на Клуни“, поради примерот од американскиот глумец и режисер, Џорџ Клуни, кој летото се ожени за најдобрата адвокатка за човекови права, Амал Аламудин.