Со излегувањето на „Alibaba“ на берзата, нејзиниот сопственик Џек Ма станал најбогатиот Кинез на светот...



Тој сепак не е задоволен со оваа титула и во разговор со CNBC признал дека не е среќен во последно време и фактот што станал најбогатиот Кинез на светот му донел само „голема болка“.

Целата ситуација станала премногу стресна за него и луѓето од „Alibaba“ сега имаат преголеми очекувања кои тој мора да ги оправда, бидејќи инвестирале многу во неговата компанија. Тој рекол дека „се обидува да биде среќен“, затоа што ако тој не е среќен, нема да бидат ниту неговите колеги, акционери, клиенти и корисници.

Задоволен е со резултатите што ги постигнала неговата компанија после излегувањето на берзата и свесен е дека сега има одоговорност кон сите што ги вложиле своите пари во "Alibaba". Рекол дека мора да се смири и да биде свој за да може нормално да функционира, иако е под голем стрес дури и поради големите продажни успеси на неговата компанија.

Големиот стрес не доаѓа само од работата, туку и од големото богатство и свесен е дека многу луѓе што се околу него биле привлечени од парите.