Новак Ѓоковиќ и неговата сопруга Јелена го дале првото интервју после нивната венчавка на Свети Стефан...



Првиот тенисер на светот во разговор со списанието „Hello“ изјавил: „Кога ја видов прв пат во венчаница, како се смееше и доаѓаше кон мене, изгледаше како ангел“.

„Се обидов да бидам присутен во тој момент и да запамтам се. Бев фокусиран на неа, на нејзината насмевка и на нашето бебе“, додава Ѓоковиќ.

Јелена била нервозна и видот и бил заматен. Веднаш почнала да плаче кога го видела.

„Бев толку среќна и претпоставувам дека поради бременоста е многу тешко да ги контролирам моите емоции. Благословена сум што го имам во мојот живот. Не би можела да добијам поемотивен партнер од него“, изјавила сегашната госпоѓа Јелена Ѓоковиќ.