Порано била телевизиска водителка, а од вчера кралица на Шпанија...



Принцезата Летисија (41) станала миленик на медиумите не само поради титулата, туку и поради непогрешливиот сенс за мода и често споредување со Кејт Мидлтон, војвотката од Кембриџ.

Летисија е инаку наградуван телевизиски новинар, поседува мастер диплома од областа на новинарството. Таа дури го запознала и принцот Фелипе додека известувала од терен. Летисија била репортер и за време на нападот на Кулите близначки во Њујорк на 11 септември 2001, а известувала и од воената зона во Ирак.



Веќе еднаш била мажена, поради што биле предизвикани голем број на коментари во доминантно католичката Шпанија. Летисија ќе биде првата разведена шпанска кралица.

Во Шпанија не ја сакаат толку затоа што сметаат дека не се смее доволно и дека е вештачка. Има шпекулации дека имала пластична операција на носот и дека си вбризгала ботокс.



Нема кралска крв и доаѓа од обично семејство од средна класа како и Кејт Мидлтон. Нејзиниот татко е новинар, мајка и медицинска сестра, а дедо и бил таксист.

Постојано ја споредуваат со Кејт Мидлтон, бидејќи и двете имаат добар моден вкус и често се случува да се облечат исто.