Кога велиме „Големиот Ѓоковиќ“, мислиме на спортист со големо срце, кој жртвува од своето време, за да го посвети на ова девојче...



Новак Ѓоковиќ не морал да игра во мечот од третото коло на Мастерс во Мајами поради предавањето на неговиот противник, поради што неочекувано добил повеќе време за подготовка за мечот од осмина финалето против Томи Робредо. Сепак, српскиот тенисер одлучил да ја искористи оваа пауза за да се дружи со своите најверни фанови, а еден од нив е Карла Софија, која е болна од болеста Спина Бифида(вродена мана на 'рбетниот столб).

Девојчето може да ја користи само една рака и е парализирана од половините надолу, но тоа сепак не ја спречило да одигра една игра со својот миленик спортист, кој исто така бил воодушевен од неа.



„Оваа девојка се вика Софија и таа за мене е вистински херој. Денес се дружевме на теренот и игравме тенис заедно. Секој ден учиме и стекнуваме нови искуства. Денес Софија ми потврди со сопствениот пример нештп што секогаш си го повторувам себеси кога ми е тешко, никогаш не се предавајте!“, напишал Ѓоковиќ на описот на сликата што ја објавил на Фејсбук.