Ријана донирала 100.000 $ во УНИЦЕФ за да им помогне на жртвите од ураганот Хаијан на Филипините...



Пејачката апелирала и до другите да помогнат колку што можат за жртвите од ураганот, пренесуваат електронските медиуми.

„Кризите се појавуваат во вестите, но опоравувањето трае долго откако камерите ќе си заминат. Јас сум обожавател и поддржувач на УНИЦЕФ, чест ми беше да им се придружам во помагањето на децата погодени од ураганот Хаијан“, изјавила Ријана во соопштение.

„Повеќе од пет милиони деца на Филипините ја чекаат нашата помош. УНИЦЕФ е тука денес, а на долг рок сум и јас“, додала пејачката.

Во ураганот што ги зафатил Филипините, загинале над 5.500 луѓе, повредени се 25.000, а илјадници луѓе останале без дом.