Вистински хит на интернет стана снимката од говорот што Мет Дејмон го одржа за граѓанска непослушност, а американските медиуми веќе загрижено почнаа да се прашуваат дали ова е повик за револуција...



Инаку, се работи за дел од говор што го одржал пријателот на Дејмон, Хауард Зин. Тој е историчар и борец за човекови права, кој го одржал овој говор во 1970 година.

Без оглед на тоа што мислите за салонските револуционери, актерот многу емотивно ги прочитал извадоците од говорот што започнува со следните зборови:

„Почнувам со претпоставката дека светот е свртен наопаку. Погрешни луѓе се во затвор, а погрешни луѓе надвор од него. Погрешни луѓе се на власт, а погрешни луѓе немаат моќ. Богатството во оваа земја, исто како и во остатокот од светот, е толку распространето што не бара мали реформи, туку драстична прераспределба на богатството.