Популарната пејачка Тина Тарнер, по 20 години живеење во Швајцарија се откажала од американското државјанство, пишува "Вашингтон пост"...



Повикувајќи се на извештајот од американската амбасада во Берн, весникот наведува дека легендарната рокенрол ѕвезда во таа институција во октомври потпишала декларација дека се откажува од американското државјанство.

Како потсетување, Тина Тарнер (73) се омажи со 17 години помладиот германски продуцент Ервин Бах во јули, 3 месеци подоцна откако доби швајцарско државјанство.



САД е една од ретките земји, која од своите државјани со постојан престој во странство, бара да плаќаат данок на приход, пишува АФП.

Тина Тарнер во шеесеттите години ги освојувала топ листите заедно со тогашниот сопруг Ајк Тарнер, со хитовите како „River Deep, Mountain High“, а потоа продолжила со многу успешна соло кариера.