Орландо Блум уште ја сака Миранда Кер. 36-годишниот британски актер за првпат проговори за неодамнешната разделба со австралиската манекенка, со која има двегодишен син Флин и изјави дека секогаш ќе ја поддржува...

"Ние се сакаме, ние сме семејство. Јас ќе присуствувам во нејзиниот живот и таа ќе присуствува во мојот до крајот на нашите денови. Во тоа нема сомневање. Поради нашиот син и сето останато ќе се поддржуваме и сакаме како родители на Флин" сподели актерот во американско телевизиско шоу.

Блум признава дека неговиот брак не е се одвивал по начинот на кој се надевал. "Знаете, понекогаш животот не се развива токму така како што сме планирале или сме се надевале, но за среќа и двајцата сме зрели луѓе, професионалци и се сакаме и грижиме многу еден за друг. А од сè најмногу го сакаме нашиот син", додаде актерот.

Поранешната ѕвездена двојка беше забележана на прошетка со синот им во Централ парк во Њујорк, еден ден откако објавија за разделбата минатиот петок. Орландо и Миранда кои се венчаа во јули 2010 година, се разделиле уште пред шест месеци, но решиле да почекаат со официјалната изјава за пред јавноста.